Aladin is ’n interaktiewe sagteware-ruimte-atlas wat digitale sterrekundebeelde vertoon, inskrywings van sterrekundekatalogusse of -databasisse superimponeer, en verwante inligting van die Simbad-databasis, die VizieR-diens en ander argiewe op ’n interaktiewe manier wys.
Dit is in 1999 geskep en word wyd gebruik as ’n virtuele sterrewag (VS) met besonderse funksies soos om spesifieke data op te spoor, datastelsels te verken en multilengtegolfdata visueel voor te stel. Van die eienskappe wat dit ’n kragtige werktuig maak, is dat dit gebruik kan word saam met bestaande of nuut ontwikkelde VS-standaarde en ander ontledingsmeganismes, en ’n vermoë het om heterogene data maklik te vergelyk.
Aladin is deur die Centre de Données astronomiques de Strasbourg ontwikkel en word deur dié sentrum bedryf. Dit is uitgereik onder GNU GPL v3.[1]